Maddaman skilur ekki hví hún gerðist ekki spákona til að drýgja tekurnar, en það gefur víst mest í aðra hönd á eftir esskortinu. Ein skólasystir maddömunnar strippar reyndar svona til að eiga fyrir sméri á brauðið. En maddaman erfði engar fínhreyfingar úr Gunnhildargerðisættinni ( enda bara tímaspurssmál hvenær Kári Stefánsson finnur út að þau gen eru ekki til í þeim ágæta ættbálk) þannig að hún getur ekki strippað. Svo er helvíta mikill stofnkostnaður við að kaupa brjóstin ( sem að fyrirfinnast í sýnishornum á þessari sömu ætt:o)
En spákona heldur maddaman að hún geti orðið, það er bara gamla góða netakúlan og svo er þetta allt sama tóbakið, ferðalög, ný ást að koma gömul að lognast út, passa bara að það sé í réttri röð og síðast en ekki síst bjartir tímar framundan með spennandi möguleikum, sem að getur verið allt frá því að það kemur nýtt morgunkorn á markaðinn eða þú vinnur í getraunum!!!
Rúsínan í pylsuendanum er svo gömul, gráhærð kona með rúðótta svuntu sem að vakir yfir hverju fótmáli þínu. En þessi lýsing getur gilt um 6 ættliði afturábak frá 1980 hjá hverjum einasta núlifandi íslending og þó víðar væri leitað!
En ástæðan er einföld fyrir spákonuhugleiðingum maddömunnar og hún er að það er aftur sprungið á hjólinu!
mánudagur, janúar 24
Gerast áskrifandi að:
Birta ummæli (Atom)
3 ummæli:
Hef einu sinni farið til spákonu og ég held að hún hafi sagt orðrétt það sem þú taldir upp. Þegar ég spurði hvað kostaði þá sagði hún: "3000... ehh nei ég meina 3500"... djöfull lét ég plata mig.
Hugsa sér að ég hefði getað sparað þér 3000 nei 3500 kall........ með einu litlu meili eða símatali!!!
Thú mátt alveg spá fyrir mér, ég skal trúa hverju sem er - svo lengi sem thad hentar mér. Einu sinni var lesid í bolla fyrir mig en sú góda kona sá bara gamla kaerasta thar, thad thótti mér lítid spennandi. Og thaetti enn minna spennadi í dag, ég vil bara sjá splunkunýja kaerasta. Og peninga og ferdalog. Ekki vold, hef ekkert med thad ad gera. OK?
Skrifa ummæli